തന്റെ സഹനകാലത്ത് വിശുദ്ധ ലുഡ്‌വിനയ്ക്ക് രക്തസാക്ഷിത്വം വരിക്കാനുള്ള ആഗ്രഹം ഉണ്ടായിരുന്നു. ഒരു ദിവസം ഈ കൃപയ്ക്കുവേണ്ടിയുള്ള ഉത്കടാഭിലാഷം അവള്‍ക്ക് അനുഭവപ്പെട്ടു. അപ്പോള്‍ വെട്ടിത്തിളങ്ങുന്ന, എന്നാല്‍ പൂര്‍ത്തീകരിക്കപ്പെടാത്ത ഒരു കിരീടം അവള്‍ക്ക് ദൃശ്യമായി. ഈ കിരീടം തനിക്കുവേണ്ടിയുള്ളതാണെന്ന് അവള്‍ തിരിച്ചറിഞ്ഞു. അതിനാല്‍ ആഗ്രഹത്തോടെ അവള്‍ പ്രാര്‍ത്ഥിച്ചു, ”എന്റെ വേദനകള്‍ വര്‍ധിപ്പിക്കണമേ.” കര്‍ത്താവ് ആ പ്രാര്‍ത്ഥന കേട്ടു.
ചില പടയാളികള്‍ വന്ന് അതിനിന്ദ്യമായ വാക്കുകളാല്‍ അപമാനിച്ചിട്ട് അവളെ കൂടുതല്‍ ക്രൂരമായി മര്‍ദിച്ചു. ഉടന്‍ ഒരു മാലാഖ പൂര്‍ത്തീകരിക്കപ്പെട്ട കിരീടവുമായി പ്രത്യക്ഷനായി. അവസാനസഹനങ്ങളിലൂടെ ഇനിയും ആവശ്യമായിരുന്ന രത്‌നങ്ങള്‍ ചേര്‍ത്ത് കിരീടം പൂര്‍ത്തിയാക്കിയെന്നറിയിച്ചു. ആ നിമിഷം ആ കന്യക മരണം വരിക്കുകയും ചെയ്തു.
