സ്റ്റാഫ് നഴ്‌സായി ജോലി ലഭിക്കുന്നതിന് പി.എസ്.സി പരീക്ഷക്കായി പഠിച്ചുകൊണ്ടിരിക്കുന്ന സമയം. ലൈവ് ദിവ്യകാരുണ്യ ആരാധന മൊബൈല്‍ ഫോണില്‍ ഓണാക്കിവച്ചിട്ട് അതിനോടുചേര്‍ന്ന് പഠിക്കുന്നതിനെക്കുറിച്ച് ശാലോം ടൈംസില്‍ വായിച്ചു. അത് ഞാന്‍ പരിശീലിക്കാന്‍ തുടങ്ങി. നല്ല ഒരു പഠനാനുഭവമായിരുന്നു അത്. ആത്മീയമായി വളരാനും ഈശോയോട് നല്ല വ്യക്തിബന്ധം വളര്‍ത്തിയെടുക്കാനും എല്ലാ ജീവിതസാഹചര്യങ്ങളിലും അത് ഫലപ്രദമായി ഉപയോഗിക്കാനും ആ ആരാധനാശീലം എന്നെ സഹായിച്ചു. മാത്രവുമല്ല താമസിയാതെ മെഡിക്കല്‍ കോളേജ് സ്റ്റാഫ് നഴ്‌സായി നിയമനവും കിട്ടി.
ജോസ്‌ന ജോണ്‍, കോടഞ്ചേരി, കോഴിക്കോട്
