ഈശോയോട് കൂടുതല്‍ ആഴമുള്ള സൗഹൃദമോ അവിടുത്തെ ക്ഷമയോ ഏതെങ്കിലും പ്രത്യേക കൃപയോ ലഭിക്കാന്‍ നാം ആഗ്രഹിക്കുന്നെങ്കില്‍, അത് പ്രാപിക്കാനുള്ള സുഗമമായ മാര്‍ഗം നമുക്ക് ബുദ്ധിമുട്ട് ഉളവാക്കുന്ന പ്രത്യേകസഹോദരനെയോ സഹോദരിയെയോ ദിവ്യകാരുണ്യസ്വീകരണത്തില്‍ ഈശോയോടുകൂടെ സ്വാഗതം ചെയ്യുകയാണ്. ”ഈശോയേ, നിന്നോടുകൂടി ഇന്ന് (ഇന്നയിന്ന) വ്യക്തികളെ ഉള്ളില്‍ ഞാന്‍ സ്വീകരിക്കുന്നു. നിന്നോടൊപ്പം അവരെ എന്റെ ഹൃദയത്തില്‍ ഞാന്‍ സൂക്ഷിക്കും. നീ വരുമ്പോള്‍ അവരെക്കൂടെ കൊണ്ടുവന്നാല്‍ എനിക്ക് വളരെ സന്തോഷമാണ് ” എന്ന് അവിടുത്തോട് പറയുക. ഈ ചെറിയ പ്രവൃത്തി ഈശോയ്ക്ക് വളരെ പ്രീതികരമാണ്. കാരണം, നമ്മുടെ സ്വാര്‍ത്ഥതയ്ക്ക് അല്പമെങ്കിലും മരിക്കാന്‍ അത് നമുക്കിടയാക്കുമെന്ന് ഈശോയ്ക്കറിയാം.
കര്‍ദിനാള്‍ റനിയെരോ കന്തലമെസ
