2022 ജനുവരി മാസത്തില്‍ ശാലോം മാസികയില്‍ ആന്‍ മരിയ ക്രിസ്റ്റീന എഴുതിയ ഒരു ലേഖനം വായിക്കാനിടയായി. ‘കുഞ്ഞിനെ നല്‍കിയ വചനക്കൊന്ത’ എന്ന തലക്കെട്ടോടുകൂടിയ ഒരു ലേഖനമായിരുന്നു അത്. അതില്‍ ആന്‍ മരിയ കുഞ്ഞുങ്ങള്‍ ഇല്ലാതിരുന്ന തന്റെ സഹോദരിക്ക് ഈ വചനക്കൊന്ത പ്രാര്‍ത്ഥിക്കാനായി നല്‍കിയതും സഹോദരിക്ക് കുഞ്ഞ് ജനിച്ചതും വായിച്ചപ്പോള്‍ പതിനഞ്ചു വര്‍ഷമായി കുഞ്ഞുങ്ങള്‍ ഇല്ലാതിരുന്ന എന്റെ അനുജത്തിക്ക് ഇത് അയച്ചുകൊടുത്ത് പ്രാര്‍ത്ഥിക്കാന്‍ പറയുകയും ഒപ്പം അമ്മയും സഹോദരങ്ങളും ഇത് ചൊല്ലി പ്രാര്‍ത്ഥിക്കുകയും ചെയ്തു. അതിന്റെ ഫലമായി ആ വര്‍ഷംതന്നെ അവള്‍ ഗര്‍ഭിണിയാവുകയും ഒരു മകളെ നല്‍കി സര്‍വശക്തനായ ദൈവം അനുഗ്രഹിക്കുകയും ചെയ്തു. ഈ അനുഗ്രഹം സാക്ഷ്യപ്പെടുത്തിക്കൊള്ളാമെന്നും നൂറ് ശാലോം മാസിക വിതരണം ചെയ്തുകൊള്ളാമെന്നും ഞാന്‍ ഈശോയോട് വാക്ക് കൊടുത്തിരുന്നു. ഈശോയേ നന്ദി!
സിന്ധു സജി, പുല്ലൂരാംപാറ
